Psa 114 | MPS | STEP | Polobadu Israel dabego te Isip tagalama pelawalio. Te Jekopgo hani dabego te gasa hani dabego bulu taga soai dao.

a[Sai 12:51]

b[Sai 14:21; Jos 3:16]

c[Sai 17:1-7; Nam 20:2-13]

Psalms 114

Pasovago tęąbi po e dao

1 Polobadu Israel dabego te Isip tagalama
pelawalio.
Te Jekopgo hani dabego te gasa hani
dabego bulu taga soai dao. ^a
2 Te augwaligo tama tiali sogo,
te Juda te Genuai Bidigo
tedali gasagi yai hani bage pedaliyu,
te Israel dabe me tama tiali.

3 Te nosa elalubo tamu ąį agai
te tonono elama, tama wi palio,
tama te wę Jordan dolalu,
tama te wę ma soabeo. ^b
4 Te genuai bulu du dabe
te meme sasa mano pelabo tiwai eyu,
tama te dwasianu bulu du dabe
te sipsip dabe sasa mano pelabo tiwai yalio.

5 Tamu ąį, magi nai pedalubaso, nage wi paliwe?
Jordan wę, magi baso tama nage ma soabewe?
6 Te bulu du dabe, magi baso dage te meme sasa mano
pelabo tiwai ebawe?
Te dwasianu bulu du dabe, magi baso dage
te sipsip sasa mano pelabo tiwai ebawe?
7 Tǫ, megi da Genuai Bidi asobaso,
tama nage mumunu yao.
Te Jekopgo God asalio, tama nage mumunu yao.
8 Agai te masigigo ulu wę pedalumainu ilali,
tama te bulu du masigigo
te genuai soabo wę pedalubo dao.
^c